【星岛日报报道】张继聪出名锡太太谢安琪（Kay）和一对仔女，Kay近日就买了假发造型给囡囡Katrina，结果囡囡一戴上即爆喊，老窦阿聪见状不但即刻拿走假发，为逗女儿开心，自己更戴上假发扮公主！囡囡见到露出了伸脷趣怪表情，可爱又搞笑。

阿聪今日凌晨在facebook上载一辑连横图，见到他为囡囡戴上长假发后，囡囡即皱眉兼喊晒口。阿聪见到，就一于自己戴上假发，笑着跟囡囡挥手，囡囡定晒神望着阿聪，未知是否未能认得到阿聪爹哋，还是被爹哋的长发造型吓呆，她其后转身望向镜头伸脷，似想逃走，可爱到爆。

阿聪又留言：“原来家吓好兴买d（啲）Baby假发，嚟帮d（啲）小朋友影吓城市惊喜，点知依（呢）位小姐唔锺意⋯⋯为咗唔想妈咪失望，依（呢）单野，我顶‍ ＃童年阴影系列”。

不少网民见到都留言：“为了前世情人，顶硬上”、“见到个假发真系笑死，Btw kakaball 啲表情好鬼正”、“呢个daddy简直无得顶呀”。