23岁港女Macy月储105%买楼唔畀家用拍拖洗费靠男友
2017-02-17
星岛日报

【星岛日报报道】基于土地问题,香港人“上车”难,为储首期日捱夜捱,买到层楼又要做楼奴。当做业主成为梦想时,又可以去到几尽?TVB真人骚《有楼万事足》下周一播出,未出街已经做咗城中热话,皆因22岁港女Seasun语出惊人,“冇楼唔好白撞”、“有楼有高潮”,喺网上平台洗晒板。现今香港地,冇父干冇横财,又冇叠水老公、男友,可能要死悭死抵先买到楼。
继离地Seasun后,有份做真人骚的23岁文员Macy,“靠自己”储首期,好励志咁㖞,买楼不是梦?Macy满脸骄傲的神情,分享如何每月储105%,以3百多万喺旺角买咗个细单位。Macy自言:“第一样野,善用身边资源,八达通系屋企人支持我,lunch同朋友食饭用八达通嘟,嗰笔钱咪转交咗畀屋企人。”食屋企住屋企,拍拖男友畀钱,日日炒股唔畀家用,连Macy妈都投诉:“唔开心㗎我,你做野都冇家用畀我,咁自私。”Macy即理直气壮咁话:“我自己悭得好辛苦好辛苦,我觉得你应该畀啲鼓励或者支持我!”
“自食其力”买楼例子似乎走火入魔,靠自己一样唔受网民认同,负评一地都系。有网民插爆Macy好自私:“问题在于佢竟然觉得咁储钱系无问题,甚至觉得自己好叻。佢无为屋企付出过,佢阿妈系觉得佢自私,仲讲到自己好惨咁,不知所谓。”同时有人叹谓“今时今日嘅香港人,为上车黐晒线”、“做佢阿妈、朋友、男朋友好惨”、“系身边人助养佢”。
登录APP查看全文